إنت يا (سوداننا ) جد مسكين - شعر

بلداً بيبدأ بحــرف الـ (سين)

بلداً مافي منو اتنيـــــــــــن

بلداً لو غبت منه سنيـــــــن

لازم بجيبك ليهو حـــــــــنين

بس حتلاقي ناس الصــــــين

ديل ما اشتروا الأرض و الطين

وديــل باعوها بـ قـــــــرشين

وما خلّوا لينا ناس قاعـــدين

كلّهم بقـوا مغتربيـــــــــــــن

لا تامّــــــين و لا لامّـــــــــين

وإنت يا (سوداننا ) جد مسكين

وصلّوك أسفــل سافلــــــين

وما عارفين علاجـــك ويـــــــن

كان في الأردن كان عند المصريين

لي مالكم مستغربين ؟؟ ,,,,,

ما لازم يسافروا العيانيـــــــن

و يموتوا الغلابة و المحتاجيــن

ديــل خربوها بإسم الــــــــدين

ديل خلوا أيِّ سمحاً شــــــــين

ديل قسّموها لقسمــــــــــــين

ونسوا بترولهم قاعد ويــــــــــن

و نزّلوا الـ(جنيه) و رفعوا البنزين

وقالوا دي أمريكا و بنياميـــــــن

ما الاتنين للعالم دا حاكمـــيــن

و لمتين حنفضل منتظرين ؟؟

وما كتيرة على رب العالميـــــن

يوقف الظلـــــم و الظالمــــيــن

ويبدلنا بدل البـــلدين جنتيــــــــن

بما تشتهي الأنفس و تقر العيـــن

ونرجع تاني تامّـــــــين و لامّـــــين

وما حتلاقي فيــــنا حزيــــــــــــــن

وبالجد إحنا ليكم مشتاقيييييييييين

_____________________________
تأليف : نهى سيد أحمد - السعودية