مدخل :
تمكن
المغني السوداني نايل من الوصول الي المرحلة الثالثة في برنامج The Voice علي قناة MBC بفضل دعم كبير من السودانيين عبر الرسائل القصيرة و قد وجد هذا الفعل
استنكار البعض - و هنا انقل لكم رد منطقي و فلسفي للصديق جهاد عثمان
 |
| جهاد عثمان |
أقتباساً من كمية من وجهات النظر السالبة تجاه تصويت السودانين الكبير للمغني نايل .. في مسابقة
تلفزيونية .. وتحديداً "لو كانو دفعوا القروش دي في عمل خير ماكان أفضل!!"
أذكر نقطتين شايف انهم ضروري الانتباه لهم ...فربما تبرد بطونهم شوية.
* يقال أنو الناس دعمت نايل .. وكأنو دفعوا القروش دي لي نايل بدون
مقابل .. الكلام ده ماصحيح حسب رأيي .. المصوتون دعموا "أنفسهم " ...
وليس نايل .. من حق أي شخص أن يدفع المقابل ليضمن له أستمرارية مصدر سعادة شخصية
وشخصية جداً بالنسبة ليهو .. يعني يا البتشرب القهوة وتتكيف يومياً في شارع النيل
وتدفع 7 ألف لا تلوم الاخرين عندما يفعلون نفس الشئ ..
* يقال أنو مافي فايدة لأستمرار نايل ووجوده .. طيب هل في أي فايدة
لفوز اوباما برئاسة الجمهورية على دولة كينيا ؟ ... هل الناس عارفة انو أهلي شندي
بلعب بي اسم السودان قبل كم يوم لي ؟ عارفين فايدة أول سوداني مشى الامارات و عكس
صورة معينة عن السوداني ؟ عارفين جامعة نوتنقهام وريدينق في انجلترا بقوا يقبلو
سودانين بكثرة لي ؟ هل بتفتكروا دبي دفعت مليارات الدولارات في العاب نارية في رأس
السنة ساي هل من هبالتهم مثلاً ؟ سبب الحكاية دي واضحة جداً في العالم الرأس مالي
العايشين فيهو .. فلا تنزعجوا , وتبحثوا عن مثاليات من الهواء.
 |
| الفنان نايل علي قناة MBC |
ليست هناك تعليقات:
إرسال تعليق