يا هو دا السودان

سلام عليكم

ﻟﻴﺲ ﻛﻤﺜﻠﻪ ﺷﻌﺐ !  - موضوع منقول من الفيس بوك –

مقالة تجمع 10 قصص كمثال من الالاف القصص اليومية التي تثبت معدن و صدق و طيبة السودانيين

القصة الاولي

ﻓﻲ ﺯﺣﻤﺔ ﺍﻟﺴﻮﻕ ﺍﻟﻌﺮﺑﻲ الخرطوم ﺃﺫﻥ ﺍﻷﺫﺁﻥ ﻭﻛﺄﻥ ﺍﻟﻘﻴﺎﻣﺔ قد ﻗﺎﻣﺖ تشاهد ﺍﻟﻨﺎﺱ ﺗﺘسابق ﻋﻠﻰ ﺍﻟﻮﺿﻮﺀ , شاهدت ﺷﻤﺎﺳﻲ ﻛان  ﺑملئ أﺑﺎﺭﻳﻖ الوضوء للمصلين  ﺳﺄﻟته ﺇﻧﺖ ﺑﺘﺒﻴﻊ ﺍﻟﻤياه للمصلين ؟ ﻗﺎﻝ ﻟﻲ ﺃﻧه لا يبعها فقط يساعد ﺍﻟﻨﺎﺱ (ساﻱ..كما قال.)

القصة الثانية

ﺣﺮﺍﻣﻲ هجم علي امراة تحمل رضيع وجدها لوحدها ﺘﺮﺿﻊ ﻓﻲ ﻃﻔلها ﻗﺎﻝ ﻟﻬﺎ ﻗﺮﻭﺷﻚ ﻭﺩﻫﺒﻚ ؟ ..ﻗﻌﺪﺕ ﺗﺒﻜﻲ ﻗﺎﻟﺖ له ﻭﺍﻟﻠﻪ ﻣﺎﻋﻨﺪﻧﺎ ولا ﻋﻴﺸﺔ ﻳﺎﺑﺴﻪ ﺳﺎﻱ ﻓﻲ ﺍﻟﺒﻴﺖ ﻭﺃﻧﺎ الان ﺟﻌﺎﻧﺔ ﻭزوجي ﻳأتيني ﺳﻜﺮﺍﻥ  في اخر الليل  .فعاد الحرامي من حيث اتي و عاد يحمل ﻛﻴﺲ به ﻋﻴﺶ ﻭﻟﺒﻦ ﻭﻃﻌﻤﻴﺔ ﻭﺃعطاها 20 ﺟﻨﻴﻪ . وانتظر في الخارج لمقابلة ﺯﻭﺟﻬﺎ .. عندما عاد زوجها قاله له

ﻟﻤﻦ ﺟﺎ ﺩﻗﺎﻫﻮ ﻭﻗﺎﻝ ﻟﻴﻬﻮ ﻣﺎﺑﺘﺨﺘﺸﻲ ﺗﺨﻠﻲ ﻣﺮﺗﻚ ﺍﻟﻮﺍﻟﺪﺓ ﻭﺑﺘﺮﺿﻊ ﺟﻌﺎﻧﺔ ﻭﺇﻧﺖ ﺣﺎﻳﻢ ﺗﺴﻜﺮ ﻭﺗﺘﺼﻌﻠﻖ . ﻻﺣﻆ ﺩﺍ ﺣﺮﺍﻣﻲ

القصة الثالثة
ﺑﺮﻏﻢ ﺇﻧﻬﺎ ﻛﺎﻧﺖ ﻓﻘﻴﺮﺓ ﻭﻋﻤﻠﺖ ﺳﺖ ﺷﺎﻱ ﻗﺒﻞ ﺃﻥ ﻳﻔﺘﺢ ﺍﻟﻠﻪ ﻋﻠﻴﻬﺎ ﺑﻤﻄﻌﻢ ﺃﺳﻤﺎﻙ ﻭﻳﻮﺳﻊ ﻋﻠﻴﻬﺎ ﻓﻲ ﺍﻟﺮﺯﻕ ﺇﻻ ﺇﻧﻬﺎ ﻟﻢ ﺗﺘﻨﻜﺮ ﻟﻠﻤﺤﺘﺎﺟﻴﻦ . ﻓﺒﻘﺖ ﺗﺮﺳﻞ ﻭﺟﺒﺎﺕ ﺿﺨﻤﺔ ﻣﻦ ﺍﻷﺳﻤﺎﻙ ﻟﺪﻭﺭ ﺍﻷﻳﺘﺎﻡ ﻭﺍﻟﻌﺠﺰﺓ ﻭﺍﻟﻤﻌﺎﻗﻴﻦ ﺑﺎﻟﺪﻓﺎﺭ. .. ﺑﻞ ﺑﻘﺖ ﺗﺴﺎﻋﺪ ﺍﻟﺸﺒﺎﺏ
ﻋﻠﻰ ﺍﻟﺰﻭﺍﺝ ﺑﺎﻟﺸﻴﻠﺔ ﻭﺩﻓﻊ ﻗﻴﻤﺔ ﺍﻟﻤﻬﺮ ﻓﺒﻘﺖ ﺑﺮﺍﻫﺎ ﻋﺒﺎﺭﺓ ﻋﻦ ﻣﻨﻈﻤﺔ ﺗﻄﻮﻋﻴﺔ ﻣﺘﺤﺮﻛﺔ .ﺩﻱ ﺍﻟﺰﻭﻟﺔ ﺍﻟﻤﺤﺴﻨﺔ ﻋﻮﺿﻴﺔ ﺃﺳﻤﺎﻙ . ﻻﺣﻆ ﺇﻧﻬﺎ ﻣﺠﺮﺩ ﺳﺖ ﺷﺎﻱ ﺑﺴﻴﻄﺔ ﺗﺘﺤﻮﻝ ﺑﻄﻴﺒﺔ ﻗﻠﺒﻬﺎ ﻟﻔﺎﻋﻞ ﺧﻴﺮ ﻣﺠﻬﻮﻝ

القصة الرابعة

ﺇﻣﺎﻡ ﻣﺴﺠﺪ ﺍﻟﺴﻴﺪﺓ ﺳﻨﻬﻮﺭﻱ ﻳﻘﻒ ﺑﻌﺪ ﺻﻼﺓ ﺍﻟﺼﺒﺢ ﻣﺒﺎﺷﺮﺓ ﻭﻳﺨﺎﻃﺐ ﺍﻟﻤﺼﻠﻴﻦ

( ﻳﺎﺟﻤﺎﻋﺔ ﻓﻲ ﺃﺧﺖ ﻃﺎﻟﺒﺔ ﺍﻟﺴﺘﺮﺓ ﻭﺗﺒﺤﺚ ﻋﻦ ﺯﻭﺝ ﻣﻤﻜﻦ ﺗﻌﻴﺶ ﻣﻌﺎﻫﻮ ﺃﻳﺎ ﻛﺎﻥ
ﻇﺮﻓﻮ ) ﻭﺍﺣﺪ ﻣﻦ ﺍﻟﺸﺒﺎﺏ ﺷﻐﺎﻝ ﻓﻲ ﺑﻘﺎﻟﺔ ﻗﺒﻞ ﺑﻴﻬﺎ . ﻳﻼ ﻃﻠﻌﺖ ﺯﻭﻟﺔ ﺑﺖ ﻧﺎﺱ ﺃﺛﺮﻳﺎﺀ ﺑﺲ ﻛﺎﻧﺖ ﻋﺎﻭﺯﺓ ﺷﺎﺏ ﺗﻘﻲ ﺑﺼﻠﻲ ﺍﻟﺼﺒﺢ ﺣﺎﺿﺮ . ﻻﺣﻆ ﺍﻟﺸﺎﺏ ﻗﺒﻞ
ﺑﻴﻬﺎ ﺑﺪﻭﻥ ﻣﺎﻳﻌﺮﻑ ﻫﻲ ﺷﻨﻮ ﺑﺲ ﺷﺎﻥ ﻳﺴﺘﺮﺍ

القصة الخامسة

ﻣﺮﻳﺾ ﺳﻮﺩﺍﻧﻲ ﺑﺄﺣﺪ ﺍﻟﻤﺴﺘﺸﻔﻴﺎﺕ ﺑﺎﻟﺴﻌﻮﺩﻳﺔ ﻗﻄﻌﺖ ﻗﺮﻭﺷﻮ ﻭﻣﻔﺘﺮﺽ ﻳﺠﻴﺐ ﺃﺩﻭﻳﺔ ﻣﻦ ﺻﻴﺪﻟﻴﺔ ﺑﺮﺍ ﺍﻟﻤﺴﺘﺸﻔﻰ . ﻧﺎﺩﻯ ﻣﺼﺮﻱ ﻗﺎﻝ ﻟﻴﻬﻮ ﺃﻃﻠﻊ ﻓﻲ ﺍﻟﻤﻤﺮ ﺷﻮﻑ ﺃﻱ ﺳﻮﺩﺍﻧﻲ ﺃﺩﻳﻬﻮ ﺍﻟﺮﻭﺷﺘﻪ ﺩﻱ ﺧﻠﻴﻬﻮ ﻳﺠﻴﻨﻲ .ﺍﻟﻤﺼﺮﻱ ﻣﻨﺪﻫﺶ ﻃﻠﻊ ﻭﺃﺩﺍ ﺍﻟﺮﻭﺷﺘﻪ ﻟﺴﻮﺩﺍﻧﻲ ﻓﻘﺎﻡ
ﺍﻟﺰﻭﻝ ﻣﺸﻰ ﺍﻟﺼﻴﺪﻟﻴﺔ ﺇﺷﺘﺮﻯ ﺍﻷﺩﻭﻳﺔ ﻭﺟﺎ ﺯﺍﺭ ﺍﻟﺴﻮﺩﺍﻧﻲ ﻭﻛﻔﺮ ﻟﻴﻬﻮ . ﺍﻟﻤﺼﺮﻱ ﺇﺗﺨﻴﻞ ﺍﻟﻤﻮﺿﻮﻉ ﻛﺎﻣﻴﺮﺍ ﺧﻔﻴﺔ ﻭﻗﻌﺪ ﻳﺤﻜﻲ ﺍﻟﻘﺼﺔ ﺩﻱ ﻋﺸﺮﻳﻦ ﺳﻨﺔ . ﻻﺣﻆ ﺩﺍ ﻣﺮﻳﺾ ﺳﻮﺩﺍﻧﻲ ﻃﺮﻳﺢ ﺍﻟﻔﺮﺍﺵ ﻛﺎﻥ ﺑﻴﺜﻖ ﻓﻲ ﺃﻱ ﺳﻮﺩﺍﻧﻲ ﻣﻮﺟﻮﺩ ﺑﺎﻟﻤﺴﺘﺸﻔﻰ ﻟﻤﺠﺮﺩ ﺇﻧﻮ
ﺳﻮﺩﺍﻧﻲ

القصة السادسة

ﺳﺖ ﻋﺮﻗﻲ ﺟﺎﺑﻮﻫﺎ ﺍﻟﻘﺴﻢ ﻃﺎﻋﻨﺔ ﺯﺑﻮﻥ ﺇﺗﺤﺮﺵ ﺑﻴﻬﺎ ﺑﺎﻟﺴﻜﻴﻦ . ﻗﺪﺍﻡ ﺍﻟﻀﺎﺑﻂ ﻭﻗﻔﺖ

( ﻭﺍﻟﻠﻪ ﻳﺎﺟﻨﺎﺑﻮ ﺃﻧﺎ ﺑﺒﻴﻊ ﻋﺮﻗﻲ ﻭﻣﻌﺘﺮﻓﺔ ﻟﻜﻦ ﺣﻴﺎﺗﻲ ﻣﺎﻓﺮﻃﺘﺎ ﻓﻲ ﻋﺮﺿﻲ ﻭﻻ ﻗﻠﻴﺖ ﺃﺩﺑﻲ ﻭﺍﻟﺰﻭﻝ ﺩﺍ ﻗﻞ ﺃﺩﺑﻮ ﻭﺃﻧﺎ ﺯﻋﻠﺘﺎ ﻭﻃﻌﻨﺘﻮ

القصة السابعة

ﻛﺎﺑﺘﻦ ﺻﻼﺡ ﻳﻬﺒﻂ ﺑﻄﺎﺋﺮﺗﻪ ﺳﻮﺩﺍﻧﻴﺮ ﻣﻄﺎﺭ ﺍﻟﻘﺎﻫﺮﺓ ﺃﻳﺎﻡ ﺍﻟﺘﻮﺗﺮ ﻣﻊ ﻣﺼﺮ . ﻓﻨﻮﻉ ﻣﻦ ﺍﻹﺳﺘﻔﺰﺍﺯ ﺟﻮ ﺍﻟﻤﺼﺮﻳﻴﻦ ﻻﺑﺴﻴﻦ ﻛﻤﺎﻣﺎﺕ ﻭﻗﺎﻟﻮﺍ ﺣﺎﻳﺮﺷﻮﺍ ﺍﻟﻄﻴﺎﺭﺓ ﻭﺍﻟﺮﻛﺎﺏ
ﻗﺎﻋﺪﻳﻦ . ﻛﺎﺑﺘﻦ ﺻﻼﺡ ﺭﻓﺾ . ﻗﺎﻟﻮﺍ ﻟﻴﻬﻮ ﻣﺎﺣﺎﻧﺴﻤﺢ ﺑﻨﺰﻭﻝ ﺍﻟﺮﻛﺎﺏ . ﻗﺎﻝ ﻟﻴﻬﻢ ﻓﻲ ﺳﺘﻴﻦ ﻭﺭﺟﻊ ﺑﺎﻟﻄﻴﺎﺭﺓ ﻣﻄﺎﺭ ﺍﻟﺨﺮﻃﻮﻡ . ﻭﺭﻏﻢ ﺇﻧﻮ ﺇﺗﻔﺼﻞ ﺑﺎﻟﺴﺒﺐ ﺩﺍ ﻟﻜﻨﻮ
ﺇﻧﺘﺼﺮ ﻟﻜﺮﺍﻣﺔ ﺍﻟﺴﻮﺩﺍﻧﻴﻴﻦ . ﻻﺣﻆ ﻋﺰﺕ ﺍﻟﻜﺎﺑﺘﻦ دا

القصة الثامنة

ﻣﺠﻤﻮﻋﺔ ﻧﻬﺐ ﻣﺴﻠﺢ ﺛﺒﺘﻮ ﺑﺺ ﻓﻲ ﺍﻟﺨﻼ .. ﻃﺎﻟﺒﻮ ﺍﻟﻨﺎﺱ ﺑﺎﻟﺪﻫﺐ ﻭﺍﻟﻘﺮﻭﺵ . ﻛﺎﻥ ﻓﻲ ﻋﺮﺳﺎﻥ ﻓﻲ ﺍﻟﺒﺺ ﻟﺤﻈﺔ ﺍﻟﻌﺮﻭﺱ ﺑﺘﻘﻠﻊ ﻓﻲ ﻏﻮﻳﺸﺘﺎ ﺷﺎﻓﺎ ﺯﻋﻴﻢ ﺍﻟﻌﺼﺎﺑﺔ ﻭﻋﺠﺒﺘﻮ ﻃﻠﺐ ﻣﻨﻬﺎ ﺗﻨﺰﻝ ﻣﻦ ﺍﻟﺒﺎﺹ ﻭﺯﻭﺟﻬﺎ ﺍﻟﺠﺒﺎﻥ ﺳﺎﺍﺍﻛﺖ. ﻓﺠﺄﺓ ﺍﻟﻤﺴﺎﻋﺪ ﻓﻲ ﺍﻟﺒﺺ ﻳﻘﻴﻒ ﻗﺪﺍﻡ
ﺍﻟﻌﺮﻭﺱ (ﺷﻴﻠﻮ ﺃﻱ ﺣﺎﺟﺔ ﺑﺲ ﻣﺎﺗﻠﻤﺴﻮﺍ ﺯﻭﻝ ﻭﺍﻟﻠﻪ ﺃﻧﺎ ﺣﻲ ﻣﺎﻑ ﺯﻭﻝ ﻳﻘﺮﺏ ﺍﻟﺰﻭﻟﺔ ﺩﻱ ﺇﻻ ﺗﻜﻤﻠﻮﺍ ﺫﺧﻴﺮﺗﻜﻢ ﻓﻴﻨﻲ). .ﺍﻟﻜﻼﻡ ﻋﺠﺐ ﻧﺎﺱ ﺍﻟﻌﺼﺎﺑﺔ ﻭﻛﺎﻥ ﻣﻤﻜﻦ ﻳﻜﺘﻠﻮﻫﻮ ﺑﺒﺴﺎﻃﺔ . ﻃﻠﺒﻮ ﻣﻦ ﺯﻭﺝ ﺍﻟﻌﺮﻭﺱ ﻳﻄﻠﻘﺎ ﺷﺎﻥ ﻳﺰﻭﺟﻮﻫﺎ ﻟﻠﻤﺴﺎﻋﺪ ﺩﺍ . ﻓﻄﻠﻘﺎ ﻭﺳﺄﻟﻮ
ﺍﻟﻌﺮﻭﺱ ﺑﺘﺪﻭﺭﻱ ﻧﺰﻭﺟﻚ ﻟﻠﺰﻭﻝ ﺍﻟﻔﺎﺭﺱ ﺍﻟﺤﻤﺎﻙ ﺩﺍ ؟
ﻓﻮﺍﻓﻘﺖ ﻭﺳﺄﻟﻮ ﻫﻞ ﻣﻦ ﺑﻴﻦ ﺍﻟﺮﻛﺎﺏ ﺷﻴﺦ ﻳﻌﻘﺪ ﻟﻠﻌﺮﺳﺎﻥ ؟ ﻭﻋﻘﺪﻭﺍ ﻟﻴﻬﻢ ﻭﺿﺮﺑﻮ ﺍﻟﺬﺧﻴﺮﺓ ﺇﺣﺘﻔﺎﻻ ﻭﺭﺟﻌﻮﺍ ﻟﻠﻨﺎﺱ ﺣﺎﺟﺎﺗﻦ ﻭﻣﺸﻮ . ﻻﺣﻆ ﺩﻳﻞ ﻋﺼﺎﺑﺔ ﺗﻌﺠﺒﻦ ﻧﺨﻮﺓ ﺭﺟﻞ ﻓﺘﺨﺠﻠﻬﻢ ﻭﺗﺮﺩﻫﻢ ﺇﻟﻰ ﺟﺎﺩﺓ ﺍﻟﺼﻮﺍﺏ

القصة التاسعة

ﻓﻲ ﺃﺣﺪﺍﺙ ﻗﺮﻥ ﺣﺼﻞ ﻣﻮﺕ ﻭﻣﺠﺎﺯﺭ ﻣﺘﺒﺎﺩﻟﺔ ﺷﻤﺎﻟﻴﻴﻦ ﻭﺟﻨﻮﺑﻴﻴﻦ . ﻟﻜﻦ ﺑﻌﺪ ﺃﻗﻞ
ﻣﻦ ﺷﻬﺮ ﻛﺎﻥ ﺍﻟﺸﻤﺎﻟﻴﻴﻦ ﻭﺍﻟﺠﻨﻮﺑﻴﻴﻦ ﻳﺄﻛﻠﻮﻥ ﺳﻮﻳﺎ ﻓﻲ ﺍﻟﻤﻄﺎﻋﻢ ﻭﻳﺮﻛﺒﻮﻥ ﻧﻔﺲ ﺍﻟﻤﻮﺍﺻﻼﺕ . ﻻﺣﻆ ﺑﻌﺪ ﺍﻟﻤﺬﺍﺑﺢ ﺩﻱ ﻛﻠﻬﺎ ﻳﺮﺟﻌﻮﺍ ﻋﺎﺩﻳﻴﻦ ! ﻭﻟﻮ ﻛﺎﻧﺖ
ﺣﺪﺛﺖ ﻓﻲ ﺩﻭﻟﺔ ﺗﺎﻧﻴﺔ ﻷﺣﺘﺎﺟﻮ ﻟﻘﺮﻥ ﻛﻲ ﺗﺰﻭﻝ ﺍﻟﻤﺮﺍﺭﺍﺕ .

القصة العاشرة

سيدة سودانية فقيرة جات من غرب السودان بصحبة طفلتها المريضة لمستشفى جعفر بن عوف للأطفال ولازمت الفراش مع طفلتها مدة طويلة حتي خلصت كل مامعها من مصروف. وفي هذه اﻷثناء حاولت أحدي الطيبات مساعدتها مادياً. لكنها طلبت من الطبيبةمساعدتها في شراء عدة شاي لتعيش من عمل يدها. وكانت تعمل وتصرف علي إبنتها وتساعد المحتاجين بشراء الدواء وتوجيههم للأطباء وذلك بمساعدة بعض اﻷطباء الذين تعرفت عليهم بحكم عملها ومرافتها ﻹبنتها. حتي صار مكانها مقصدا لكل من يطلب العون أو من يقدم العون. تلك هي أم قسمة التي إفتتحت غرفة العناية المكثفة للأطفال بأمدرمان .

ﻭﺍﻷﻣﺜﺎﻝ تحتاج ﻟﻜﺘﺎﺏ ﺿﺨﻢ ﻋﻨﻮﺍﻧﻪ ﻟﻴﺲ ﻛﻤﺜﻠﻪ ﺷﻌﺐ . ﻓﻠﻮ ﺃﻥ ﻫﻨﺎﻙ ﺷﻌﺐ ﻳﺴﺘﺤﻖ
ﺃﻥ ﻧﺮﻓﻊ ﻟﻪ ﻗﺒﻌﺔ ﺍﻹﺣﺘﺮﺍﻡ ﻭﻧﻨﺤﻨﻲ ﻟﻪ ﺇﻋﺠﺎﺑﺎ ﻓﻬﻮ ﺷﻌﺒﻨﺎ ﺍﻟﺴﻮﺩﺍﻧﻲ ﺍﻟﻌﻤﻼﻕ .