السفر لماليزيا..تجربة وليد خضر
ناس كتار نفسهم يمشوا ماليزيا وبيقولوا الرحلة مكلفة شديد ... هل تعلم انو اغلى شي في الرحلة دي التذاكر؟؟ وقدر ما تحجز بدري بيكون احسن وارخص يعني ممكن لمن تحجز من بدري توفر ١٠٠٠ جنيه في التذكرة الواحدة..
اول شي تعملو تمشي تحجز بالقطرية خش الويب سايت وحدد ايام الذهاب والعودة وشوف ارخص تذكرة .. اكيد حتلقاها في الخطوط اغلى عشان عليها ضرايب وبيكون في زكاة ودمغة جريح وحماية وطن والخ...
معلومة مهمة شديد: عادة ارخص تذكرة بيكون مافي طريقة تغير المواعيد بتاعتها فلو حجزت وسافرت وغيرت رايك ماعندك حل الا تشتري تذكرة جديدة عشان كدة يستحسن تحسم امورك من بدري وتخطط صاح..
خش موقع qatarairwaysholidays.com وشوف ليك فنادق في ماليزيا .. اغلب الفنادق الفي الموقع دة ٤ نجوم وانت طالع .. وسعر الدولار هناك بي ٦ وخت حوالي ١٠٪ زيادة بتاعة رسوم المكتب هنا.. اهم حاجة في الفندق انو يكون قريب من KLCC وجنبو مترو...
عشان تتاكد من الفندق خش booking.com وشوف الكومنتات بتاعة الناس في الفنادق ..
اهم شي لمن تحجز الفندق احجز معاهو فطور لانو دي غالبا حتكون الوجبة الصحية الوحيدة البتاكلها في اليوم...
امشي لناس القطرية وخليهم يضربوا ليك التذاكر والفنادق وادفعها طوالي..
شيل قروشك وامشي طوالي احجز التذاكر .. بتدفع القروش كلها هنا في القطرية حيدوك التذاكر والكونفيرميشن بتاع الفنادق اطبع التذاكر وورق الفنادق وخلي منو نسخة في الايميل.. هم غالبا في الفندق ما حيسالوك من الحاجات دي .. بس للضمان يعني...
من الحاجات المهمة شديد كرت الحمى الصفراء... لو ما عندك كرت حمى صفراء حتخش الكرنتينة لمن تصل ماليزيا... ودة ما كلام تهويل دة كلام حقيقي!!!
ما تركب تاكسي..
الفطور في الفنادق مهم جدا: بيرتب يومك و وجبة صحية.
الفسحة..
ما تشتري عفش كتير..
ما تتغش وما تشيل معاك عفش كتير... لو في زول بيستعمل ادوية لامراض مزمنة يستحسن تشيلها من هنا لانك هناك ما حيدوك ادوية ساي كدة!!
ما تشيل قروش كتيرة في يدك.. وما تطلع قروش..
الماليزيين عموما شعب مساعد وطيب لكن ما يغرك طولك وحجمك الجماعة ديل ممكن يطيروا ليك في حلقك!!
خزنة الفندق امنة خت فيها جوازاتك و صور الجوازات بالموبايل احتمال تحتاجها..
شيل كرت الفندق معاك احتمال تحتاجو لو ضعت عشان ترجع..
استعمل تريب ادفايزر trip advisor عشان تعرف البرامج الظريفة وتمشي وين والمطاعم الممتازة nearby منك..
ما تركب تكاسي..
استعمل ماي تكسيMyteksi - دة ابليكيشن بيخليك تركب تاكسي بارخص سعر ويجيك في محلك تحدد انت وين وماشي وين بيوريك السعر- وغير دة ناس التكاسي بيقولوا الزول دة سيد بلد وما بيقدروا يغشوك.. بس عيبو الوحيد انو في حتت ما بتلقى فيها تكاسي شغالين بالابليكيشن دة مرة مرة وانك تحدد موقعك بالضبط وين..
نزل الابليكيشن بتاع قوقل ماب google maps بيوريك انت وين وماشي وين ولو ماشي بمواصلات سوا بص او مترو مفروض تركب شنو ولو ماشي برجولك مفروض تمشي بي ياتو شارع.
اشتري شريحة maxis وخليهم يشغلوا ليك فيها نت ٣ قيقا .. وما تخش واتساب وفيسبوك الا في الفندق بالوايفاي التلاتة قيقا دي استعملها في الحركة في قوقل مابس ولا ماي تكسي. - انت ماشة تتفسح ما ماشي تشتغل بالواتساب والفيسبوك-
لو ماشي لنكاوي بالطيارة امشي احجزها بي airasia التذاكر رخيص شديد بس انتبه لموضوع الوزن لانو ممكن تدفع وزن اكتر من قروش التذاكر..
لو اضطريت وركبت تاكسي خليهو يشغل ليك العداد.. وافتح قوقل ماب ووريهو انك فاتح قوقل ماب عشان ما يقعد يوديك بي جاي ويرجعك بي جاي ويزيد العداد..
يستحسن ما تركب مع سواق تاكسي صيني ... لانو ما حيفهمك بتقول في شنو وما حتقدر تفهم منو حاجة...
لو مسافر خت في بالك انك حتحتاج اقل شي ساعتين عشان تصل المطار !! الميزان لو بيفتح ٨ احسن تتحرك من ٥:٣٠ !!
وربنا يكتب السلامة!!
البلد ديك كلها برامج واي زول ذوقو براهو فما تتقيد بكلام زول.. شوف البينفع معاك وسويهو...
الاكل الماليزي ما نفع معاي نهااااائي يا تاكل في مطعم عربي او هندي او واحد من المطاعم العالمية -ماكدونالدز وكنتاكي ...الخ-
لو ركبت تاكسي بماي تاكسي بيديك تفاصيل رقمو واي شي حتى لو نسيت حاجة في التاكسي ممكن تضرب ليهو!!
البلد ديك ما غالية ممكن يومك يكون بي ٤٠ دولار شامل الاكل والمواصلات والضريبة وبرنامج ظريف كدة..
لنكاوي فيها برامج بحر وdiving وفي sunset on yacht انصح بيهو بي شدة!!!
حاجة مهمة شديد شديد... اوعا تنسى تشيل معاك موية وانت لافي لانك ما حتحس بالعطش وحتلقى روحك واقع في الواطة!!! فاحسن تشرب موية بالزمن كل نص ساعة او ساعة حتى لو ما عطشان
ناس كتار نفسهم يمشوا ماليزيا وبيقولوا الرحلة مكلفة شديد ... هل تعلم انو اغلى شي في الرحلة دي التذاكر؟؟ وقدر ما تحجز بدري بيكون احسن وارخص يعني ممكن لمن تحجز من بدري توفر ١٠٠٠ جنيه في التذكرة الواحدة..
اول شي تعملو تمشي تحجز بالقطرية خش الويب سايت وحدد ايام الذهاب والعودة وشوف ارخص تذكرة .. اكيد حتلقاها في الخطوط اغلى عشان عليها ضرايب وبيكون في زكاة ودمغة جريح وحماية وطن والخ...
معلومة مهمة شديد: عادة ارخص تذكرة بيكون مافي طريقة تغير المواعيد بتاعتها فلو حجزت وسافرت وغيرت رايك ماعندك حل الا تشتري تذكرة جديدة عشان كدة يستحسن تحسم امورك من بدري وتخطط صاح..
خش موقع qatarairwaysholidays.com وشوف ليك فنادق في ماليزيا .. اغلب الفنادق الفي الموقع دة ٤ نجوم وانت طالع .. وسعر الدولار هناك بي ٦ وخت حوالي ١٠٪ زيادة بتاعة رسوم المكتب هنا.. اهم حاجة في الفندق انو يكون قريب من KLCC وجنبو مترو...
عشان تتاكد من الفندق خش booking.com وشوف الكومنتات بتاعة الناس في الفنادق ..
اهم شي لمن تحجز الفندق احجز معاهو فطور لانو دي غالبا حتكون الوجبة الصحية الوحيدة البتاكلها في اليوم...
امشي لناس القطرية وخليهم يضربوا ليك التذاكر والفنادق وادفعها طوالي..
شيل قروشك وامشي طوالي احجز التذاكر .. بتدفع القروش كلها هنا في القطرية حيدوك التذاكر والكونفيرميشن بتاع الفنادق اطبع التذاكر وورق الفنادق وخلي منو نسخة في الايميل.. هم غالبا في الفندق ما حيسالوك من الحاجات دي .. بس للضمان يعني...
من الحاجات المهمة شديد كرت الحمى الصفراء... لو ما عندك كرت حمى صفراء حتخش الكرنتينة لمن تصل ماليزيا... ودة ما كلام تهويل دة كلام حقيقي!!!
ما تركب تاكسي..
الفطور في الفنادق مهم جدا: بيرتب يومك و وجبة صحية.
الفسحة..
ما تشتري عفش كتير..
ما تتغش وما تشيل معاك عفش كتير... لو في زول بيستعمل ادوية لامراض مزمنة يستحسن تشيلها من هنا لانك هناك ما حيدوك ادوية ساي كدة!!
ما تشيل قروش كتيرة في يدك.. وما تطلع قروش..
الماليزيين عموما شعب مساعد وطيب لكن ما يغرك طولك وحجمك الجماعة ديل ممكن يطيروا ليك في حلقك!!
خزنة الفندق امنة خت فيها جوازاتك و صور الجوازات بالموبايل احتمال تحتاجها..
شيل كرت الفندق معاك احتمال تحتاجو لو ضعت عشان ترجع..
استعمل تريب ادفايزر trip advisor عشان تعرف البرامج الظريفة وتمشي وين والمطاعم الممتازة nearby منك..
ما تركب تكاسي..
استعمل ماي تكسيMyteksi - دة ابليكيشن بيخليك تركب تاكسي بارخص سعر ويجيك في محلك تحدد انت وين وماشي وين بيوريك السعر- وغير دة ناس التكاسي بيقولوا الزول دة سيد بلد وما بيقدروا يغشوك.. بس عيبو الوحيد انو في حتت ما بتلقى فيها تكاسي شغالين بالابليكيشن دة مرة مرة وانك تحدد موقعك بالضبط وين..
نزل الابليكيشن بتاع قوقل ماب google maps بيوريك انت وين وماشي وين ولو ماشي بمواصلات سوا بص او مترو مفروض تركب شنو ولو ماشي برجولك مفروض تمشي بي ياتو شارع.
اشتري شريحة maxis وخليهم يشغلوا ليك فيها نت ٣ قيقا .. وما تخش واتساب وفيسبوك الا في الفندق بالوايفاي التلاتة قيقا دي استعملها في الحركة في قوقل مابس ولا ماي تكسي. - انت ماشة تتفسح ما ماشي تشتغل بالواتساب والفيسبوك-
لو ماشي لنكاوي بالطيارة امشي احجزها بي airasia التذاكر رخيص شديد بس انتبه لموضوع الوزن لانو ممكن تدفع وزن اكتر من قروش التذاكر..
لو اضطريت وركبت تاكسي خليهو يشغل ليك العداد.. وافتح قوقل ماب ووريهو انك فاتح قوقل ماب عشان ما يقعد يوديك بي جاي ويرجعك بي جاي ويزيد العداد..
يستحسن ما تركب مع سواق تاكسي صيني ... لانو ما حيفهمك بتقول في شنو وما حتقدر تفهم منو حاجة...
لو مسافر خت في بالك انك حتحتاج اقل شي ساعتين عشان تصل المطار !! الميزان لو بيفتح ٨ احسن تتحرك من ٥:٣٠ !!
وربنا يكتب السلامة!!
البلد ديك كلها برامج واي زول ذوقو براهو فما تتقيد بكلام زول.. شوف البينفع معاك وسويهو...
الاكل الماليزي ما نفع معاي نهااااائي يا تاكل في مطعم عربي او هندي او واحد من المطاعم العالمية -ماكدونالدز وكنتاكي ...الخ-
لو ركبت تاكسي بماي تاكسي بيديك تفاصيل رقمو واي شي حتى لو نسيت حاجة في التاكسي ممكن تضرب ليهو!!
البلد ديك ما غالية ممكن يومك يكون بي ٤٠ دولار شامل الاكل والمواصلات والضريبة وبرنامج ظريف كدة..
لنكاوي فيها برامج بحر وdiving وفي sunset on yacht انصح بيهو بي شدة!!!
حاجة مهمة شديد شديد... اوعا تنسى تشيل معاك موية وانت لافي لانك ما حتحس بالعطش وحتلقى روحك واقع في الواطة!!! فاحسن تشرب موية بالزمن كل نص ساعة او ساعة حتى لو ما عطشان
ليست هناك تعليقات:
إرسال تعليق